LEFELO LA BONNO

‘Jaanong badiri ba RBPlat ba ka kgona go reka matlo mo lefelong la segompieno la bonno, le le gaufi le tiro e bile go le motlhofo go ya kwa toropong le mafelo a mangwe a a kgatlhang.’

Matlo A A Ka Tlhophiwang

Ntlo ya dikamore di le 3 tsa borabalo - 80m²

Tobetsa go bona dintlha tse di oketsegileng

Ntlo ya dikamore di le 3 tsa borobalo - 140m²

Tobetsa go bona dintlha tse di oketsegileng

Ntlo ya dikamore di le 4 tsa borobalo - 220m²

Tobetsa go bona dintlha tse di oketsegileng

Itlhamele popego ya ntlo ya gago - 360m²

Dintlha Tsa Konokono

Lefelo leno le gaufi le Waterfall Mall
Go motlhofo fo ya kwa mafelong a le mantsi mo toropong ya Rustenburg
Le gaufi le tsela e e duelelwang ya N4 e e dirang gore go nne motlhofo go ya kwa Johannesburg le Pretoria.
Go na le ditirelo tsa dipalangwa tsa batho botlhe mo lefelong leno.
Go na le mafelo le ditshingwana tse di lemilweng bontle go dira gore baagi ba lefelo leno le baeng ba bone ba ikutlwe ba amogelesegile.
Lefelo leno le dikologilwe ke lebota la tshireletso, le ntlwana ya heke e e laolang go tswa le go tsena diura di le 24.
Go na le mafelo a a tlhomilweng a go pagolola batho le mafelo a a lekaneng a go phaka dikoloi gongwe le gongwe mo Estate eno gore go se ka ga nna le sepe se se kgoreletsang baagi.

Legato 1 – le weditswe

  • Legato 1 la porojeke eno le simolotse ka letlole la boleng jwa dimilione di le R250.
  • Go agilwe matlo a le 422 a bogolo jwa 80m², mme malapa a setse a nna mo matlong a bone a mantšhwa a ba a rekileng.
  • Ditsela tse di tsamayang mo gare ga lefelo leno le mabone a mo mebileng a setse a weditswe.
  • Lebota le le dikologang lefelo leno le matlwana a a laolang heke a setse a agilwe e bile a a dira.
  • Ditsha tsotlhe mo Legato 1 di na le ditirelo tse di feletseng.
  • Ditshingwana mo mafelong a botlhe di lemilwe bontle le go tlhokomelwa go tlhomamisa gore Estate eno e galalela ka bontle tota.

Legato 2

  • Legato 2 la porojeke le na le letlole la boleng jwa dibilione di le R2.8.
  • Ga jaana go agilwe matlo a mabedi a dipontsho mme go rulagantswe gore go rekisiwe matlo a a leng mo polaneng mme a ise a agiwe.
  • Go tlile go agiwa matlo a le 3 100 – le dikarolo di le nné tse di farologaneng tsa matlo, tse di agilweng mo mafelong a a tshwailweng mo Estate eno.
  • Estate e tlile go nna le diheke tse pedi tse dikgolo tsa go tswa le go tsena le diheke di le mmalwa tse di ka fa gare tsa baagi le baeng.
  • Motlhabolodi o na le dipolane tse di akaretsang mafelo a mo isagweng a kgwebo go tsamaisana le ponelopele ya tlhabololo.
  • Dikarolo tsa matlo a Legato 2 di tla akaretsa:

    80m² – matlo a le 1 854
    140m² – matlo a le 633
    220m² – matlo a le 91
    360m² – matlo a le 12

Go Reka Ntlo

Tlhwatlhwa ya Matlo

Bogolo le ditlhwatlhwa tse di farologaneng go tshwanela ditlhoko tse di sa tshwaneng tsa badiri, ka mekgwa e e fetogang le maemo ya go duela go tlhomamisa gore motho a kgone go duela.

  • Dituelo tsa louno di tla nna kwa seelong se se kwa tlase go feta jaaka go lebeletswe go ipataganya le se modiri a ka kgonang go se duela.
  • Kabo ya Beng ba Matlo ba RBPlat le Living Out Allowance di tla dirisiwa mo dituelelong tsa louno ya ntlo.
  • Madi a tla tlhatlosiwa ka la 01 Phukwi ngwaga le ngwaga, go tsamaisana le go tlhatlosiwa ga megolo ga ngwaga le ngwana.
  • Disetatemente tsa kgwedi le kgwedi di tla bontsha dituelo tse di ikaegileng ka bogolo jwa ntlo e e rekilweng.
  • Motlakase wa tuelopele, metsi, direite le makgetho, sepalangwa le tlhokomelo e e dirwang mo ntlong, di tla nna tsa akhaonto ya mong wa ntlo.

Melawana le Dipeelo Tsa Louno

  • Batho ba e ka nnang beng ba matlo ba tshwanetse go nna badiri ba nako e e tletseng ba Setlhopha sa RBPlat.
  • RBPlat e tla aga e le yone mong yo o kwadisitsweng wa dikago go fitlha maikarabelo a go duela 50% a diragaditswe. Ka nako eo mong wa ntlo a ka tlhopha go tsaya phetiso ya ntlo mme RBRP e tla kwadisa bonto ya kago. Go sa nneng jalo, phetiso e tla direga fa madi otlhe a a kolotiwang a duetswe (lobaka lwa dingwaga di ka nna -/+18).
  • Ga go na mong wa ntlo yo o letleletsweng go rekisa kgotsa go rentisa lefelo la gagwe kwantle ga tumelelo e e kwadilweng go tswa go RBRP.
  • Beng ba matlo ba na le ditshwanelo ka matlo a bone mme RBRP e ka se gwebisane go ya pele ka matlo ao, ntle le fa go tlodilwe molao wa tumelano.
  • Fa modiri a batla go rekisa ntlo ya gagwe (fa ntlo e setse e fetiseditswe kwa go ene) khamphani e na le tlhopho ya pele ya go e reka gape mo modiring.