Tsa Kgwebo

‘Go tlhomamisa gore Estate e nna e tshegeditswe lobaka lo loleele, e na le ditshono tse di lekaneng tsa matlole, e tlhame ditiro, le dikago tse di ntlentle tsa baagi, batlhabolodi ba tlhomile ponelopele e e gagametseng ya mafelo a a kgatlhang a isagwe a kgwebo a a tla tlhomamisang lefelo le le kgonang go itshegetsa la baagi.’

Dilo tse di ka lebelelwang

Mabenkele le Mafelo a Boitlosobodutu

Mmolo wa kgaolo wa mabenkele le hotele, go thusa batho ba ba tlhokang mafelo a go reka a a mo setsheng, kgotsa nako ya go ikentsha mo maitseboeng a a kgethegileng.

Tlhokomelo ya Boitekanelo

Tliliniki le bookelo jwa poraefete di tla tlhomamisa gore batho ba bona tlhokomelo ya boitekanelo motlhofo fela.

Thuto

Keretšhe le sekolo se se feletseng sa Gr R – 12, habo ya Thuto ka Inthanete ya baithuti ba thuto ya bagolo, le holo ya baagi, di supa gore thuto ke selo sa botlhokwa se se tshwanetseng go tla pele.

Go se Gobatse Tikologo

Ponelopele ya tlhabololo ‘e e sa gobatseng tikologo’ e tla tlhomamisa gore Estate eno ga e bake maemo a a tla tsenyang tikologo mo kotsing. Seno se tla akaretsa go tlhomiwa ga lefelo le le fetlhang maatla a letsatsi go tlamela ka motswedi o o farologaneg wa maatla le go fokotsa kgotlelo ya khabone, go akaretsa le lefelo la go tlhokomela metsi le le tla thusang go phepafatsa metsi le go a dirisa sešwa le go fokotsa go dirisiwa ga metsi a a foreshe ke baagi.

Thekonoloji

Bokgoni jwa go golagana ke selo se se tlang pele go tlhomamisa go agiwa ga ‘Lefelo la Mafaratlhatlha a Tshedimosetso’ (le le nang le kgolagano e e feletseng ya WiFi, kgolagano ya tshireletsego ya Estate le go dirwa ga ditiriso go nna tsa dimmitara tsa eleketeroniki le thelefouno ya VOIP)

Boitlosobodutu

Paraka ya go tshameka, lefelo la go nna le dipikiniki le ba lelapa le diphulu tsa go thuma tsa batho botlhe gore malapa a ipelele dinako tse di kgethegileng mmogo.